27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Պատմության մեջ առաջին զբոսաշրջիկ տիեզերագնացների խումբը հասել է Միջազգային տիեզերակայան
Քաղաքականություն
09.04.2022 | 20:02
Զբոսաշրջիկ տիեզերագնացների՝ պատմության մեջ առաջին խումբն այսօր ապահով ժամանել է Միջազգային տիեզերակայան։ Զբոսաշրջիկները կայանում կանցկացնեն մոտ 8 օր:
Falcon 9 հրթիռակրի արձակումն իրականացվել էր Կանավերալ հրվանդանի տիեզերակայանից (Ֆլորիդայի նահանգ) ուրբաթ օրը: Ամբողջ ընթացքը հեռարձակվել է ԱՄՆ Օդագնացության և տիեզերական հետազոտությունների ազգային վարչության (NASA) կայքում։
Անձնակազմում երեք գործարարներ են ԱՄՆ-ից, Իսրայելից և Կանադայից՝ Լարի Քոնորը, Էյթան Սթիբբեն և Մարկ Փետին: SpaceNews պորտալի տվյալներով՝ նրանք այս առաքելությանը մասնակցելու համար 55 մլն դոլար են վճարել։ Անձնակազմի հրամանատարը NASA-ի նախկին տիեզերագնաց Մայքլ Լոպես-Ալեգրիան է՝ Axiom Space ընկերության փոխնախագահը։
2016 թվականին ստեղծված և Հյուսթոնում տեղակայված Axiom Space-ը, որը որոշել է դուրս գալ տիեզերական զբոսաշրջության շուկա, 2020 թվականի մարտին SpaceX ընկերության հետ պայմանագիր է կնքել, որը նախատեսում է Երկրի ուղեծիր դուրս գալ ցանկացողներին Միջազգային տիեզերակայան հասցնելու չորս առաքելություն: Axiom Space-ը նաև NASA-ի հետ պայմանավորվել է, որ իր զբոսաշրջիկներին թույլ կտրվի մուտք գործել կայանի ամերիկյան հատված:
