20.08.2026 | 23:01
«Նոան» նոր գլխավոր մարզիչ ունի
Եվրամիությունը դադարեցրել է Ռուսաստանում և Բելառուսում գրանցված ավտոմեքենաների մուտքը
Քաղաքականություն
09.04.2022 | 17:59
Եվրամիության երկրները ապրիլի 8-ից դադարեցրել են Ռուսաստանի Դաշնությունում և Բելառուսում գրանցված ավտոտրանսպորտային միջոցների մուտքը: Այս մասին ՏԱՍՍ-ին հայտնել են Ռուսաստանի Դաշնային մաքսային ծառայության մամուլի ծառայությունում։
Ըստ Ռուսաստանի Դաշնային մաքսային ծառայության՝ Ռուսաստանին և Բելառուսին սահմանակից ԵՄ երկրների մաքսային ծառայությունները դադարեցրել են տրանսպորտային միջոցների ընդունումը՝ հղում անելով պատժամիջոցների հինգերորդ փաթեթին։
Նոր պատժամիջոցներն ազդել են ԵՄ տարածքով ավտոմոբիլային բեռնափոխադրումների, ներառյալ տարանցման արգելքի վրա: Այժմ ռուսական և բելառուսական համարանիշներով միջազգային տրանսպորտային միջոցները չեն կարողանա ապրանքներ տեղափոխել ԵՄ երկրների տարածքով։
Գերատեսչության տեղեկատվության համաձայն ՝ առայժմ նշված սահմանափակումները չեն տարածվում ավտոմոբիլային բեռնափոխադրումների վրա, որոնք իրականացնում են բժշկական, դեղագործական, սննդամթերքի և գյուղատնտեսական արտադրանքի, այդ թվում՝ ցորենի, էներգակիրների, գունավոր մետաղների և պարարտանյութերի առաքում:
Բաց է մնում ավտոճանապարհային հաղորդակցությունը հումանիտար նպատակների համար, ճշտել են մամուլի ծառայությունում: Առայժմ պահպանվում է նաև Կալինինգրադի մարզ տարանցումը, բայց միայն ավտոտրանսպորտի համար, որը գրանցված է ՌԴ-ում:
