17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Սլովակիան իր միակ C-300 ՀՕՊ համակարգը մատակարարել է Ուկրաինային
Քաղաքականություն
08.04.2022 | 20:13
C-300 հակաօդային պաշտպանության միակ համակարգը, որը Սլովակիայի սպառազինության կազմում է, մատակարարվել է Ուկրաինային։ Այս մասին հաղորդում է սլովակական Markíza հեռուստաալիքը՝ վկայակոչելով վարչապետ Էդուարդ Հեգերին, գրում է Ինտերֆաքսը։
«Դա պատասխանատու որոշում է։ Սլովակիան Ուկրաինային օգնություն է ցուցաբերում զուտ պաշտպանական համակարգի տեսքով։ Համակարգի մատակարարումը չի նշանակում, թե Սլովակիան դարձել է Ուկրաինայում զինված հակամարտության մաս»,-ասել է վարչապետը։
Բացի այդ, Սլովակիայի վարչապետը վստահեցրել է, որ երկրի պաշտպանությունը «դեռ դիմակայում է և առաջիկա օրերին կամրապնդվի դաշնակիցերի հակաօդային պաշտպանության լրացուցիչ համակարգով»։
Ավելի վաղ պաշտպանության նախարար Յարոսլավ Նադը հայտարարել էր, որ չի կարող տրամադրել երկրում միակ այդ համակարգը՝այլընտրանք չունենալով։
Էմմա Չոբանյան
