28.02.2026 | 12:02
ՀՀ գլխավոր հյուպատոս Աննա Ավետիսյանը հանդիպել է Ադրին Նազարյանի հետ՝ քննարկելով Հայաստան–Կալիֆորնիա համագործակցությունը
Ռուսաստանի և Հայաստանի միջև ապրանքաշրջանառությունը պետք է հաշվարկվի այլ արժույթներով, ոչ թե դոլարով․ Լավրով
Քաղաքականություն
08.04.2022 | 16:56
Ռուսաստանի և Հայաստանի միջև ապրանքաշրջանառությունը պետք է հաշվարկվի այլ արժույթներով, ոչ թե դոլարով։ Այս մասին հայտարարել է ՌԴ ԱԳ նախարար Սերգեյ Լավրովը Հայաստանի արտգործնախարար Արարատ Միրզոյանի հետ բանակցություններից հետո կայացած մամուլի ասուլիսում։
«Անցյալ տարի [Ռուսաստանի Դաշնության և Հայաստանի] ապրանքաշրջանառությունը կազմել է ավելի քան 2,6 միլիարդ դոլար, հավանաբար պետք է հաշվել այլ արժույթներով, սակայն այդ մասին հետո կպայմանավորվենք ձեզ հետ»,- ասել է Լավրովը։
ՌԴ ԱԳ նախարարը նաև նշել է, որ Հայաստանի արտգործնախարարի հետ հանդիպմանը ընդգծել է Ռուսաստանի, Ադրբեջանի և Հայաստանի ղեկավարների միջև եռակողմ պայմանավորվածությունների կատարման կարևորությունը։ «Մենք մանրամասնորեն խոսել ենք Հարավային Կովկասում տիրող իրավիճակի մասին: Մենք կարևորել ենք Հայաստանի, Ադրբեջանի և Ռուսաստանի ղեկավարների՝ 2020 թվականի նոյեմբերի 9-ին և անցյալ տարվա հունվարի 11-ի և նոյեմբերի 26-ի պայմանավորվածությունների խստիվ կատարումը»,- ասել է նա։
Տաթև Ֆռանգյան
