15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Մեծ Բրիտանիան պատժամիջոցներ է սահմանել Պուտինի և Լավրովի դուստրերի նկատմամբ
08.04.2022 | 14:41
Մեծ Բրիտանիան ՌԴ նախագահ Վլադիմիր Պուտինի դուստրերին ներառել է պատժամիջոցների ցանկում՝ հետևելով ԱՄՆ-ին։ National Post-ի փոխանցմամբ՝ այս մասին գրում էReuters-ը։
Ուկրաինա Ռուսաստանի ներխուժումից հետո Մեծ Բրիտանիան և արևմտյան այլ դաշնակիցները հայտարարել են պատժամիջոցների մի քանի ալիքի մասին, որոնք թիրախավորում են Մոսկվայի հարուստ էլիտային, առանցքային ոլորտներին և ՌԴ-ի մուտքին միջազգային ֆինանսական համակարգ:
Բրիտանիայի պատժամիջոցների թարմացված ցանկում սառեցվում են Պուտինի դուստրեր Եկատերինա Տիխոնովայի ու Մարիա Վորոնցովայի և ԱԳ նախարար Սերգեյ Լավրովի դստեր ակտիվները։ Նրանք երեքն էլ այս շաբաթ ավելի վաղ հայտնվել էին ԱՄՆ-ի պատժամիջոցների ցուցակում։
«Պատժամիջոցների մեր աննախադեպ փաթեթը հարվածում է վերնախավին և նրանց ընտանիքներին՝ միաժամանակ դեգրադացնելով ռուսական տնտեսությունն այնպիսի մասշտաբով, որը Ռուսաստանը չի տեսել Խորհրդային Միության փլուզումից ի վեր»,- ասվում է Մեծ Բրիտանիայի ԱԳ նախարար Լիզ Թրասի հայտարարության մեջ:
Էմմա Չոբանյան
