18.12.2025 | 23:24
ՀՀ տարածքում ավտոճանապարհները հիմնականում անցանելի են
Թել Ավիվի կենտրոնում ահաբեկչություն իրականացրած անձը վնասազերծվել է
Քաղաքականություն
08.04.2022 | 15:21
Պաղեստինցին, ով նախօրեին կրակ էր բացել Թել Ավիվի կենտրոնում և սպանել առնվազն երկու մարդու, սպանվել է իսրայելական ոստիկանության կողմից, BBC-ի ռուսական ծառայության հաղորդմամբ՝ այս մասին հայտնում են երկրի իշխանությունները:
Հրաձգությունը տեղի է ունեցել Դիզենգոֆ փողոցի բարում։ Բացի երկու մահացածներից, ևս ութ մարդ տարբեր աստիճանի ծանրության վնասվածքներ է ստացել։ Հարձակվողի հետապնդումը շարունակվել է մի քանի ժամ, որի ընթացքում երկրի բնակիչներին խնդրել են չլքել իրենց տները։
Տղամարդը հայտնաբերվել է Յաֆայում՝ Թել Ավիվի կենտրոնից հարավ։ Նրա ինքնությունը պարզվել է. նա Հորդանան գետի արևմտյան ափից է։ Իսրայելում սա վերջին 3 շաբաթվա ընթացքում արդեն 4-րդ նմանատիպ հարձակումն է։
Տաթև Ֆռանգյան
