04.03.2026 | 14:55
Կուսակցության կողմից պատրաստված հոլովակներում օգտագործվել են համացանցից վերցված քաղաքացիների լուսանկարներ․ Cyberhub
ԱՄՆ-ն Ուկրաինային կմատակարարի հազարավոր ԱԹՍ-ներ, Stinger և Javelin համակարգեր
Քաղաքականություն
08.04.2022 | 13:13
Միացյալ Նահանգները հավանություն է տվել Ուկրաինային հազարավոր Stinger և Javelin համալիրներ, հարյուրավոր Switchblade կամիկաձե անօդաչու սարքեր փոխանցելուն՝ Ռուսաստանի սանձազերծած պատերազմում պաշտպանության համար։ Սպառազինության տրամադրման մասին հայտարարությունը հնչել է այն բանից հետո, երբ ԱՄՆ-ը հաստատել է ևս 100 միլիոն դոլարի աջակցությունն Ուկրաինային:
Պենտագոնը հրապարակել է զենքերի ցուցակը, որոնք արդեն հասել են Ուկրաինա, ինչպես նաև այն զենքերը, որոնք դեռ կմատակարարվեն։
• Ավելի քան 1400 Stinger հակաօդային համակարգեր
• Ավելի քան 5000 Javelin հակատանկային համակարգեր
• Ավելի քան 7000 այլ հակատանկային համակարգեր
• Հարյուրավոր մարտավարական անօդաչու թռչող սարքեր SwitchBlade
• Չորս ռադար՝ հակահրետանային և անօդաչու թռչող համակարգերին հետևելու համար
• Չորս հակաականանետային ռադիոտեղորոշիչ համակարգեր
• Զրահապատ բարձր շարժունակությամբ բազմաֆունկցիոնալ անվավոր մեքենաներ
• Ավելի քան 50 միլիոն փամփուշտ
• 45 հազար զրահաբաճկոններ և սաղավարտներ
• Լազերային կառավարվող հրթիռային համակարգեր
• Puma անօդաչու թռչող համակարգեր
• Գիշերային տեսողության սարքեր, ջերմային պատկերմամբ և կապի համակարգեր, օպտիկա
• Արբանյակային լուսանկարման կոմերցիոն ծառայություններ
CNN-ը հաղորդմամբ՝ այսպիսով, Ուկրաինային ԱՄՆ-ի ընդհանուր օգնությունը ՌԴ ռազմական գործողություններից հետո կազմել է մոտ 1,7 միլիարդ դոլար։
Տաթև Ֆռանգյան
