Եվրախորհրդարանը կոչ է անում անհապաղ և ամբողջական էմբարգո սահմանել ռուսական նավթի, ածխի, միջուկային վառելիքի և գազի ներկրման համար

Լուրեր

22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
Բոլորը

Եվրախորհրդարանը կոչ է արել ԵՄ Խորհրդին լրացուցիչ պատժամիջոցներ սահմանել Ռուսաստանի դեմ՝ Ուկրաինայի դեմ պատերազմի համար։ Այս մասին ասված է ապրիլի 7-ին Ստրասբուրգում ԵԽ լիագումար նիստին ընդունված բանաձևում։ Դրան կողմ է քվեարկել 513, դեմ՝ 22, ձեռնպահ՝ 19 պատգամավոր, հայտնում է DW-ի թղթակիցը։

Թեև բանաձևը ֆորմալ առումով նվիրված է ԵՄ գագաթնաժողովի արդյունքներին, սակայն դրա հիմնական թեման Ռուսաստանի դեմ պատժամիջոցներն են եղել։ Եվրախորհրդարանը հատուկ ուշադրություն է դարձրել Բուչայի իրադարձություններին։ Եվրախորհրդարանի պատգամավորներն ընդգծել են, որ անհրաժեշտ է պատասխանատվության ենթարկել ռազմական հանցագործություններ կատարած անձանց, ինչպես նաև բարձրաստիճան պաշտոնյաներին ու սպաներին։

Բանաձևում նշվում է, որ ԵՄ Խորհուրդը պետք է ընդունի հետագա «կոշտ պատժամիջոցներ, որոնք կհամապատասխանեն ռուսական ագրեսիայի շարունակվող էսկալացիային և ռուսական բանակի կողմից իրականացված ցնցող վայրագություններին, որոնք, անկասկած, ռազմական հանցագործություններ են»։

«Եվրախորհրդարանը կոչ է անում ռուսական նավթի, ածխի, միջուկային վառելիքի և գազի ներկրման անհապաղ և ամբողջական էմբարգո սահմանել, ամբողջությամբ հրաժարվել «Հյուսիսային հոսք 1»-ից և «Հյուսիսային հոսք 2»-ից, ներկայացնել ծրագիր՝ ապահովելու ԵՄ էներգակիրների մատակարարման անվտանգությունը կարճաժամկետ հեռանկարում»,- ասված է բանաձևում։

Այս կետը բազմաթիվ հակասություններ է առաջացրել Եվրախորհրդարանի պատգամավորների շրջանում: Գազի էմբարգոյի վերաբերյալ բանաձևի առաջին նախագծում ավելացվել է «հնարավորինս արագ» ձևակերպումը։ Այս ձևակերպման մեջ եղել է երեք փոփոխություն. դրանք իրականում կրկնել են միմյանց՝ հանելով հստակեցումը։ Արդյունքում Եվրախորհրդարանի 413 պատգամավորներ կողմ են քվեարկել  փոփոխություններին՝ կոչ անելով անհապաղ էմբարգո սահմանել Ռուսաստանի Դաշնությունից բոլոր չորս տեսակի էներգակիրների համար:

Հիշեցնենք, որ ԵՄ-ն այժմ քննարկում է ռուսական ածխի ներկրման վերաբերյալ պատժամիջոցները: Տարվա ընթացքում հնարավոր է համարվել նաև ռուսական նավթից հրաժարվելը։ Բայց Եվրամիությունը նշում է, որ իրենք դեռ չեն կարող ամբողջությամբ փոխարինել ռուսական գազը։

Բանաձևը պաշտպանում է նաև մի շարք այլ սահմանափակումներ։ Մասնավորապես, Եվրախորհրդարանի պատգամավորները կողմ են ռուսական բոլոր բանկերի անջատմանը SWIFT փոխանցումների համակարգից։ Նաև, ըստ Եվրախորհրդարանի, Ռուսաստանի Դաշնության դրոշով կամ այդ երկրում գրանցված բոլոր նավերին, որոնք պատկանում են Ռուսաստանին կամ վարձակալված են Ռուսաստանի կողմից, պետք է արգելվի մուտք գործել ոչ միայն ԵՄ նավահանգիստներ, այլև նրա տարածքային ջրեր: Այս սահմանափակումը պետք է կիրառվի նաև դեպի ռուսական նավահանգիստներ կամ ՌԴ տարածքային ջրեր շարժվող նավերի վրա։

Տաթև Ֆռանգյան