20.08.2026 | 23:01
«Նոան» նոր գլխավոր մարզիչ ունի
Չինաստանը յուանով նավթ և ածուխ է գնել Ռուսաստանից․ լրատվամիջոցներ
Քաղաքականություն
07.04.2022 | 18:23
Չինաստանը սպասում է Ռուսաստանից նավթի և ածխի խմբաքանակների ժամանմանը, որի համար վճարել է յուանով։ Այս մասին հայտնում է Bloomberg-ը, որին վկայակոչում է ՌԻԱ Նովոստին։
Լրատվամիջոցի տվյալներով՝ առաջին մատակարարումները նախատեսված են ապրիլին։ Չինական մի քանի ընկերություններ ածխի ներկրման համար վճարել են ազգային արժույթով դեռևս մարտին։ Ռուսական նավթ վաճառողները տեղական գնորդներին առաջարկել են նաև յուանով վճարելու հնարավորություն։ Սպասվում է, որ հումքը Չինաստան կհասնի մայիսին։
Նշվում է, որ դրանք լինելու են ապրանքների առաջին առաքումները, որոնք վճարվում են յուանով այն բանից հետո, երբ արևմտյան երկրները Ռուսաստանին անջատեցին միջազգային ֆինանսական համակարգից: Պեկինը և Մոսկվան այս կերպ փորձում են պահպանել առևտուրը Եվրոպայի և Միացյալ Նահանգների կողմից սահմանված պատժամիջոցների պայմաններում։
Էմմա Չոբանյան
