10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
«Ծառուկյան» դաշինքը որպես ընդդիմություն կայանալու խնդիր չունի՞ կամ ինչու դեմ քվեարկեց «լավ ծրագրին»
Քաղաքականություն
22.06.2017 | 19:14
Այսօր խորհրդարանում Կարեն Կարապետյանի կառավարության ծրագրին դեմ քվեարկեց ոչ միայն ընդդիմադիր «Ելքը», այլև «Ծառուկյան» դաշինքը: «Ծառուկյան» դաշինքի պատգամավոր, տնտեսագետ Վարդան Բոստանջյանը factor.am-ի հետ զրույցում «լավ» և «դրական» գնահատեց կառավարության ծրագիրը՝ ասելով. «Ճիշտ է՝ մենք դեմ քվեարկեցինք, բայց ես կարծում եմ, ծրագիրը պարունակում էր բոլոր այն կարևոր պահերը, որոնք ծառացած են մեր երկրի առաջ, և էդ առումով մտածում եմ, որ ծրագիրը որպես էդպիսին, իհարկե, լավն էր, բայց էստեղ վստահության դեֆիցիտը, որ տարիներ շարունակ խոստումների առումով չենք ունեցել համապատասխան ամրագրումներ և նախանշած դիրքերի չենք հասել, այդ առումով, դեռևս կասկածի ինստիտուտը մեծ է»:
Մեր հարցին, թե եթե կառավարության ծրագիրը ընդհանուր առմամբ դրական է, ի՞նչն է պատճառը, որ ԲՀԿ-ն դեմ քվեարկեց դրան, հնարավո՞ր է ընդդիմադիր վարկանիշը չկորցնելու կամ ընդդիմադիր երևալու համար գնաց այդ քայլին, ԲՀԿ պատգամավորն ասաց, թե «կարելի է ինչ- որ տեղ այդպես մտածել», սակայն հետո վստահեցրեց, որ ««Ծառուկյան» դաշինքը կայանալու ինքնահաստատման խնդիր չունի»:
Մանրամասները դիտեք factor.am-ի հետ ԱԺ «Ծառուկյան» դաշինքի պատգամավոր Վարդան Բոստանջյանի հարցազրույցում:
Մարինե Խառատյան
