20.08.2026 | 23:01
«Նոան» նոր գլխավոր մարզիչ ունի
Այն, ինչ կատարվում է Ուկրաինայում, անմեղ մարդկանց համակարգված սպանդ է․ Բորիս Ջոնսոն
Քաղաքականություն
07.04.2022 | 17:28
Մեծ Բրիտանիայի վարչապետ Բորիս Ջոնսոնը հայտարարել է, որ մարդիկ, որոնք հետևում են, թե ինչ է կատարվում Ուկրաինայում, կարող են տեսնել, որ «դա անմեղ մարդկանց համակարգված սպանդ է՝ անկախ նրանից, թե ինչ տերմին են ուզում օգտագործել», գրում է CNN-ը։
Նա պատասխանել է «ցեղասպանություն» բառի օգտագործման վերաբերյալ հարցին՝ արդյո՞ք դա իր «գնահատականն» է Ռուսաստանի նախագահ Վլադիմիր Պուտինի՝ Ուկրաինա ներխուժման առնչությամբ։
«Դա բացարձակ անխղճություն է, և աշխարհը, կարծում եմ, ճնշող մեծամասնությամբ ուկրաինացիների կողմն է։ Մեծ Բրիտանիան կշարունակի մեր ընկերների և գործընկերների հետ անել այն ամենը, ինչ կարող է՝ Ուկրաինային օգնելու համար»,-ասել է Ջոնսոնը։
Նա հավելել է, որ դիտարկում են ավելի շատ ռազմական օգնություն ցուցաբերելու հնարավորությունը։
Էմմա Չոբանյան
