09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մակրոնը նախագահական ընտրությունների առաջին փուլից երեք օր առաջ պահպանում է առաջատարի դիրքերը
Քաղաքականություն
07.04.2022 | 17:40
Ֆրանսիայի գործող նախագահ Էմանուել Մակրոնը նախագահական ընտրությունների առաջին փուլից երեք օր առաջ պահպանում է առաջատարի դիրքերը։ Այս մասին են վկայում Ifop հասարակական կարծիքի ֆրանսիական ինստիտուտի հարցման արդյունքները, գրում է ՏԱՍՍ-ը։
«Առաջին փուլում ընտրողների 27%-ը պատրաստ է քվեարկել Մակրոնի օգտին։ Նա ունի մոտավորապես նույնքան պոտենցիալ ձայներ, որքան ուներ շաբաթվա սկզբին»,- ասվում է ինստիտուտի կայքում հրապարակված հաղորդագրությունում։
Միևնույն ժամանակ, երկրորդ ժամկետի համար առաջադրվող նախագահի աջակցության լավագույն ցուցանիշը գրանցվել է մարտի 9-ին անցկացված հարցման արդյունքում․ Ֆրանսիայի առաջնորդի օգտին պատրաստ է եղել քվեարկել ընտրողների 31,5%-ը։
Ամրապնդվել են նաև երրորդ հորիզոնականում գտնվող «Անհնազանդ Ֆրանսիա» ձախակողմյան շարժման հիմնադիր Ժան Լյուկ Մելանշոնի դիրքերը։ Այժմ նրա օգտին պատրաստ է քվեարկել ընտրողների 17,5%-ը՝ 1%-ով ավելի, քան շաբաթվա սկզբին։
Նշենք, որ Ֆրանսիայում նախագահական ընտրությունները նախանշված են ապրիլի 10-ին։
Տաթև Ֆռանգյան
