28.03.2026 | 11:17
Փաշինյանը ավտոերթով մեկնելու է Գյումրի
Թուրքիան Ուկրաինային տրվող անվտանգության երաշխիքների հարցը քննարկել է ՌԴ-ի, ԱՄՆ-ի և Ֆրանսիայի հետ
Քաղաքականություն
07.04.2022 | 17:10
Թուրքիան Կիևին անվտանգության երաշխիքներ տրամադրելու հարցը քննարկել է Ռուսաստանի, ԱՄՆ-ի, Ֆրանսիայի և հենց Ուկրաինայի ներկայացուցիչների հետ։ Այս մասին Financial Times-ին տված հարցազրույցում ասել է Թուրքիայի նախագահ Ռեջեփ Թայիփ Էրդողանի ներկայացուցիչ Իբրահիմ Քալընը։
Նրա խոսքով՝ քննարկումները վաղ փուլում են, բայց «սկզբունքորեն դրանք բարենպաստ տեսք ունեն», քանի որ Թուրքիան ցանկանում է «աջակցել Ուկրաինային» և վերջ դնել հակամարտությանը։
«Մենք բանակցություններ ենք վարել Ուկրաինայի, Ռուսաստանի ներկայացուցիչների հետ: Մենք բանակցություններ ենք ունեցել ամերիկացիների, ֆրանսիացիների հետ, բայց կան բազմաթիվ ռազմական մանրամասներ, որոնք պետք է մշակվեն մեր զինվորականների կողմից՝ նախքան դրանք ստորագրելը»,- ասել է Քալընը:
Հիշեցնենք, որ մարտի վերջին Ստամբուլում տեղի են ունեցել դեմ առ դեմ բանակցություններ Մոսկվայի և Կիևի պատվիրակությունների միջև։
Տաթև Ֆռանգյան
