18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Համաձայնեցվել են մի քանի տարհանման միջանցքներ․ Ուկրաինայի փոխվարչապետ
Քաղաքականություն
07.04.2022 | 16:59
Ուկրաինայի փոխվարչապետ Իրինա Վերեշչուկը ֆեյսբուքյան գրառմամբ հայտնել է, որ հինգշաբթի ՌԴ-ի հետ համաձայնեցվել է տասը տարհանման միջանցք, գրում է CNN-ը։
Նրա փոխանցմամբ՝ Դոնեցկի մարզում կլինի մեկ միջանցք մասնավոր մեքենաների համար՝ Մարիուպոլից դեպի Զապորոժիե:
Զապորոժիեի շրջանում, ըստ Վերեշչուկի, չորս միջանցք է բացվելու, իսկ Լուգանսկի մարզում՝ հինգ միջանցք։
Ըստ ուկրաինացի պաշտոնյայի՝ չորեքշաբթի տարհանման միջանցքներով 4892 մարդ է տարհանվել։ Կարմիր խաչի միջազգային կոմիտեն (ԿԽՄԿ) CNN-ին հայտնել է, որ կազմակերպության ավտոբուսների և մասնավոր մեքենաների շարասյունը, որում գտնվում էր Մարիուպոլից փախած ավելի քան 500 խաղաղ բնակիչ, ժամանել է Ուկրաինայի հարավ-արևելքում գտնվող Զապորոժիե քաղաք:
Թեև Ուկրաինայում տարհանման որոշ փորձեր հաջող են եղել, մյուսները ձախողվել են: Այս շաբաթվա սկզբին ԿԽՄԿ-ն հայտնել է, որ կազմակերպության աշխատակիցները ձերբակալվել են Ռուսաստանի վերահսկողության տակ գտնվող տարածքում, երբ փորձել են տարհանել Մարիուպոլի հուսահատ բնակիչներին: Ավելի ուշ նրանք ազատ են արձակվել։
Տաթև Ֆռանգյան
