06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
ԱՄՆ-ը զգուշացնում է Հնդկաստանին՝ ՌԴ-ի հետ համագործակցության հետևանքները զգալի և երկարաժամկետ կլինեն
Քաղաքականություն
07.04.2022 | 14:44
ԱՄՆ նախագահ Ջո Բայդենի տնտեսական հարցերով խորհրդական Բրայան Դիզը հայտարարել է, որ Վաշինգտոնը նախազգուշացրել է Հնդկաստանին Ռուսաստանի հետ չափազանց սերտ համագործակցության հետևանքների մասին, գրում է BBC-ի ռուսական ծառայությունը:
Ամերիկյան ազգային տնտեսական խորհրդի ղեկավար Դիզի խոսքով՝ Մոսկվայի հետ հետագա ռազմավարական համագործակցությունը կարող է թանկ արժենալ Հնդկաստանի իշխանություններին. նման փոխգործակցության հետևանքները կլինեն «զգալի և երկարաժամկետ»:
«Իհարկե, որոշ առումներով մենք հիասթափված ենք Հնդկաստանի և Չինաստանի վարքագծից ռուսական ներխուժման համատեքստում»,- հավելել է նա:
Նշենք, որ Հնդկաստանը ռուսական զենքի խոշորագույն ներկրողն է և, ի տարբերություն այլ երկրների, հրաժարվել է պատժամիջոցներ կիրառել Մոսկվայի դեմ:
Տաթև Ֆռանգյան
