20.08.2026 | 23:01
«Նոան» նոր գլխավոր մարզիչ ունի
ՀԱՊԿ անդամ երկրները քննարկել են ռազմական բնույթի միջազգային թռիչքների կազմակերպումը
Քաղաքականություն
07.04.2022 | 12:47
Հավաքական անվտանգության պայմանագրի կազմակերպության (ՀԱՊԿ) անդամ երկրները քննարկել են ՀԱՊԿ անդամ երկրների զինված ուժերի ավիացիայի կողմից միջազգային թռիչքների ապահովման, ինչպես նաև զենքի, ռազմական տեխնիկայի և ռազմական գույքի փոխադրման հետ կապված միջազգային տարանցիկ թռիչքների թույլտվությունների միջգերատեսչական և միջպետական համաձայնեցման հարցը։ Այս մասին հայտնում է ՏԱՍՍ-ը՝ հղում անելով չորեքշաբթի օրը ՀԱՊԿ կայքում տեղադրված հաղորդագրությանը։
Ինչպես նշել են գերատեսչությունում, ապրիլի 5-6-ը Մոսկվայում ՀԱՊԿ-ի միացյալ շտաբում համապատասխան հարցերի շուրջ խորհրդակցություններ են անցկացվել։ Այս քննարկումներին, որոնք անցկացվել են ՀԱՊԿ զորքերի (Հավաքական զորքերի) պլանավորման վարչության պետ, գեներալ-լեյտենանտ Անատոլի Յակովլևի գլխավորությամբ, մասնակցել են Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի նախարարությունների և գերատեսչությունների ներկայացուցիչներ, ինչպես նաև Միացյալ շտաբը և ՀԱՊԿ քարտուղարությունը։
Միջոցառման մասնակիցների հետ զրույցում գեներալ-լեյտենանտ Անատոլի Յակովլևը նշել է, որ Ղազախստանում հունվարյան իրադարձությունները ցույց տվեցին միջազգային թռիչքների խնդիրների արագ լուծման հրատապությունն ու կարևորությունը՝ կապված ռազմական կոնտինգենտի օդային փոխադրումների, զենքի և զինտեխնիկայի ՝ ապահովման հետ՝ ստեղծված ճգնաժամային իրավիճակին անհապաղ արձագանքելու համար»,- ասվում է հաղորդագրության մեջ։
Տաթև Ֆռանգյան
