15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
ՌԴ խոշոր նավթային ընկերություններ աշխատանքի դադարեցման վտանգի տակ են
Քաղաքականություն
07.04.2022 | 11:43
Արևմտյան պատժամիջոցների ֆոնին խոշոր նավթային ընկերությունները, որոնք լուրջ խնդիրներ ունեն վառելիքի մատակարարումների հետ, կարող են բախվել ոչ միայն արդյունահանման նվազմանը, այլև նավթավերամշակման գործարանների աշխատանքի դադարեցմանը։ Ռուսաստանի երկրորդ նավթավերամշակող ընկերությունը՝ «LUKOIL»-ը, նման հետևանքներ է կանխատեսում մազութի պահեստավորման հնարավորությունների բացակայության պատճառով, գրում է «Կոմերսանտը»։
Սրանից խուսափելու համար ընկերությունը ցանկանում է մազութի ավելցուկը վերաուղղորդել ջերմաէլեկտրակայաններ և առաջարկում է ժամանակավորապես չեղարկել շրջակա միջավայրի վրա բացասական ազդեցության համար բարձր տուգանքները: Նույն բացառությունները անհրաժեշտ է կիրառել նաև նավթային գազի այրման համար, որի ծավալներն, ըստ «LUKOIL»-ի, կարող են աճել՝ դրանից ստացված հեղուկ նավթային գազերի (LPG) արտասահմանում վաճառելու ժամանակավոր անհնարինության պատճառով։
Նավթային ընկերությունը Ռուսաստանում ունի չորս նավթավերամշակման գործարան և Ռուսաստանի Դաշնությունում երկրորդ խոշորագույն նավթավերամշակող ընկերությունն է «Ռոսնեֆտից» հետո, 2021 թվականին այն վերամշակել է մոտ 43 միլիոն տոննա նավթ։
