23.04.2026 | 14:36
Տուապսեի նավթային տերմինալի հրդեհը երրորդ օրն է՝ շարունակվում է. այն սպառնում է վերածվել բնապահպանական աղետի
Պուտինի դուստրերը, Բոգդանովը, Գրեֆը և Շուլգինը ԵՄ պատժամիջոցների նոր ցուցակում են․ Financial Times-ը մանրամասներ է ներկայացնում
Քաղաքականություն
06.04.2022 | 20:13
Financial Times-ը մանրամասներ է ներկայացրել ՌԴ-ի դեմ նոր պատժամիջոցների ցուցակից, որն այսօր քննարկում են ԵՄ անդամ 27 երկրների դեսպանները։ Նոր պատժամիջոցների մասին հայտարարվելու է առաջիկայում։
Դրանք վերաբերելու են ածխի, օղու և խավիարի ներկրման ու մոտ 20 միլիարդ եվրոյի առևտրային այլ սահմանափակումներին։ Բացի առևտրի և ֆինանսների սահմանափակումներից՝ ԵՄ-ն պատրաստվում է ընդլայնել ֆիզիկական անձանց պատժամիջոցների ցուցակները։
Աղբյուրի տեղեկություններով՝ պատժամիջոցների ցուցակում լինելու են Սուրգուտնեֆտեգազի գործադիր տնօրեն Վլադիմիր Բոգդանովը, որը «տարիներ շարունակ նստած է արտարժույթի կանխիկ դրամի հսկա կույտի վրա (մոտ 50 միլիարդ դոլար մեկ տարի առաջ) և այն ոչ մի տեղ չի ներդնում»։
Ցուցակում լինելու են նաև Եկատերինա Տիխոնովան և Մարիա Վորոնցովան, որոնք հայտնի են որպես ՌԴ նախագահ Վլադիմիր Պուտինի դուստրեր, Բորիս Ռոտենբերգն ու նրա զարմիկ Իգոր Ռոտենբերգը, Օլեգ Դերիպասկան, Սուլեյման Քերիմովի որդին՝ Սաիդ Քերիմովը՝ որպես Ռուսաստանի ոսկու արդյունահանման խոշորագույն «Պոլյուս» ընկերության վերահսկիչ բաժնետեր, Սբերբանկի ղեկավար Գերման Գրեֆը, Օզոնի գլխավոր տնօրեն Ալեքսանդր Շուլգինը։
Էմմա Չոբանյան
