15.01.2025 | 14:35
Մենք ենք բերել, մենք էլ ցտեսություն կասենք. քաղաքացին` իշխանությունների մասին․ ՏԵՍԱՆՅՈՒԹ
Ուկրաինական պատերազմը կարող է տևել տարիներ, քանի որ «Պուտինը դեռ ցանկանում է ամբողջ Ուկրաինան». Ստոլտենբերգ
Քաղաքականություն
06.04.2022 | 19:25
Չնայած Ռուսաստանը հիմա իր հարձակումը կենտրոնացնում է արևելյան Ուկրաինայի վրա, ՆԱՏՕ-ն «ոչ մի նշան» չի տեսնում, որ ՌԴ նախագահ Վլադիմիր Պուտինի՝ ամբողջ երկիրը վերահսկելու նպատակը փոխվել է։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, գրում է CNN-ը։
Բրյուսելում խոսելով լրագրողների հետ ՆԱՏՕ-ի դաշնակիցների ԱԳ նախարարների հանդիպումից առաջ՝ նա զգուշացրել է, որ Ուկրաինայում պատերազմը կարող է տևել տարիներ։
«Մենք որևէ նշան չենք տեսել, որ նախագահ Պուտինը փոխել է ողջ Ուկրաինան վերահսկելու, նաև միջազգային կարգը վերաշարադրելու իր հավակնությունները, ուստի պետք է պատրաստ լինենք երկարաժամկետ հեռանկարին։ Մենք պետք է իրատես լինենք ու հասկանանք, որ սա երկար կարող է տևել, ամիսներ կամ նույնիսկ տարիներ»,- ասել է Ստոլտենբերգը։
Նա նաև նշել է, որ չի մանրամասնի, թե կոնկրետ ինչ զինտեխնիկա են տրամադրում դաշնակիցները Կիևին, սակայն ասել է, որ օգնությունը նշանակալի է և ներառում է ավելի ծանր համակարգեր՝ զուգորդված ավելի թեթև համակարգերի հետ։
Ստոլտենբերգը զգուշացրել է, որ ուկրաինական պատերազմը երկարաժամկետ հետևանքներ կունենա Եվրոպայի անվտանգության համար՝ անկախ այն բանից, թե երբ կավարտվի:
«Մենք տեսնում ենք նախագահ Պուտինի պատրաստակամությունը՝ կիրառելու ռազմական ուժ իր նպատակներին հասնելու համար։ Եվ դա փոխել է անվտանգության իրականությունը Եվրոպայում շատ ու շատ տարիների համար»,- ասել է ՆԱՏՕ-ի ղեկավարը։
Էմմա Չոբանյան
