06.10.2026 | 10:53
Հրմշտոց՝ ԱԺ-ում. անվտանգության աշխատակիցներին դահլիճ հրավիրեցին․ ՏԵՍԱՆՅՈՒԹ
Քրեական ոստիկանության ծառայողները հայտնաբերել են հետախուզվողի, որի մոտ «Մակարով» կար
Հասարակություն
06.04.2022 | 22:45
Քրեական ոստիկանության գլխավոր վարչության ծառայողները ձեռնարկած օպերատիվ-հետախուզական միջոցառումների արդյունքում, համագործակցելով ոստիկանության Կոտայքի բաժնի ծառայողների հետ, Երևանի Կոմիտասի պողոտայի և Տիգրանյան փողոցի խաչմերուկում հայտնաբերել և Կոտայքի բաժին բերման են ենթարկվել 42-ամյա մի տղամարդու։ Նա 2021 թվականի փետրվարի 24-ից ոստիկանության Կոտայքի բաժնի կողմից հետախուզվում էր քրեական օրենսգրքի մի շարք հոդվածների հատկանիշներով արարք կատարելու մեղադրանքով, այդ թվում՝ մարդուն առևանգելը, դիտավորությամբ առողջությանը միջին ծանրության վնաս պատճառելը և ապօրինի կերպով զենք պահելը: Խափանման միջոցը՝ կալանք. տեղեկացնում են ՀՀ ոստիկանությունից։
Անձնական խուզարկությամբ տղամարդու մոտ հայտնաբերվել է «Մակարով» տիպի ատրճանակ՝ լիցքավորված 9 մմ տրամաչափի 9 փամփուշտով և նույն տրամաչափի 8 փամփուշտով լիցքավորված պահունակ:
Տղամարդը ներկայացվել է նախաքննական մարմնին։
