18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ադրբեջանն ու Իսրայելը համագործակցության ևս երկու փաստաթուղթ են ստորագրել
Քաղաքականություն
06.04.2022 | 17:39
Ադրբեջանի և Իսրայելի միջև համագործակցության ևս երկու փաստաթուղթ է ստորագրվել։ Այս մասին հայտնում են ադրբեջանական լրատվամիջոցները՝ վկայակոչելով էկոնոմիկայի նախարար Միքայիլ Ջաբարովին։
Նա հայտնել է, որ փաստաթղթեր են ստորագրվել Ադրբեջանի պետական հարկային ծառայության և կիբերանվտանգության ոլորտում աշխատող իսրայելական Rayzone Group ընկերության, ինչպես նաև «Ադրբեջանի մելիորացիայի և ջրային տնտեսություն» ԲԲԸ-ի ու ջրի կառավարման ոլորտում մասնագիտացած իսրայելական Mekorot ընկերության միջև։
«Ստորագրված փաստաթղթերը համագործակցության նոր հարթակ են ստեղծում իսրայելական լավագույն փորձը մեր երկիր փոխանցելու, տեխնոլոգիական հնարավորությունների ընդլայնման, նորարարական գործիքների կիրառման ոլորտում և շահավետ կլինեն երկու կողմերի համար»,- ասել է Ջաբարովը։
Հավելենք, որ նախօրեին այցով Բաքվում էր Իսրայել-Ադրբեջան միջկառավարական համատեղ հանձնաժողովի համանախագահ, Իսրայելի զբոսաշրջության նախարար Յոել Ռազվոզովը, որը հանդիպել էր նաև Ադրբեջանի նախագահ Իլհամ Ալիևին։ Նա հայտարարել էր, թե Իսրայելը միշտ աջակցել է «Ադրբեջանի տարածքային ամբողջականությանը» և ողջունել դրա վերականգնումը։
Էմմա Չոբանյան
