06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Հունաստանը պերսոնա նոն գրատա է հայտարարել 12 ռուս դիվանագետի
Քաղաքականություն
06.04.2022 | 15:36
Հունաստանի իշխանությունները պերսոնա նոն գրատա են հայտարարել Հունաստանում հավատարմագրված Ռուսաստանի Դաշնության դիվանագիտական և հյուպատոսական ներկայացուցչությունների 12 աշխատակցի։ Այս մասին ապրիլի 6-ին հայտնել է երկրի արտաքին գործերի նախարարությունը, փոխանցում է korrespondent-ը։
Նշվում է, որ ռուս դիվանագետները անցանկալի են ճանաչվել 1961 թվականի դիվանագիտական հարաբերությունների մասին Վիեննայի կոնվենցիայի և 1963 թվականի հյուպատոսական հարաբերությունների մասին Վիեննայի կոնվենցիայի դրույթների համաձայն։
Հիշեցնենք, որ ԵՄ շատ երկրներ, այդ թվում՝ Գերմանիան, Ֆրանսիան, Իտալիան, Դանիան և Շվեդիան, որոշումներ են կայացրել արտաքսել ռուս դիվանագետներին Ուկրաինայում Ռուսաստանի ռազմական գործողությունների ֆոնին:
Տաթև Ֆռանգյան
