06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Մարիուպոլում հումանիտար իրավիճակը գնալով վատթարանում է․ Մեծ Բրիտանիայի ՊՆ
Քաղաքականություն
06.04.2022 | 14:10
Մեծ Բրիտանիայի Պաշտպանության նախարարության հետախուզական վերջին տվյալների համաձայն՝ Մարիուպոլում շարունակվում են ծանր մարտերն ու ռուսական ավիահարվածները, գրում է BBC-ն։
Բրիտանական հետախուզությունը հայտնում է, որ քաղաքում հումանիտար իրավիճակը «վատթարանում է»:
«Քաղաքի 160,000 բնակիչների մեծ մասը չունի լույս, հաղորդակցություն, դեղորայք, ջուր և ջեռուցում։ Ռուսական ուժերը խոչընդոտում են հումանիտար օգնության մուտքին, ինչը կարող է պաշտպաններին ստիպել հանձնվել»,- ասվում է հայտարարության մեջ։
Մարիուպոլը ռուսական զորքերի կողմից շրջափակված է մարտի սկզբից։
Նախորդ շաբաթ էլ Կարմիր Խաչի միջազգային կոմիտեն հայտարարել էր, որ ստիպված է հետաձգել քաղաքից խաղաղ բնակիչներին տարհանելու փորձը, քանի որ այդ ջանքերը շարունակելու պայմաններն անհնարին են դարձրել։
Էմմա Չոբանյան
