10.10.2026 | 19:12
Ֆուտբոլի Հայաստանի հավաքականը հոկտեմբերի 14-17-ը մարզական հավաք կանցկացնի. Մ-17
ԵՄ-ն պատրաստ է ավելի շատ զենք տալ Ուկրաինային․ Բորել
Քաղաքականություն
06.04.2022 | 14:26
Եվրամիությունը կշարունակի զենք մատակարարել Ուկրաինային: Եվրոպացի գործընկերները ցանկանում են պատերազմի շուտափույթ ավարտը: Այս մասին Եվրոպական խորհրդի նիստի ժամանակ հայտարարել է ԵՄ արտաքին քաղաքականության և անվտանգության հարցերով գերագույն հանձնակատար Ժոզեպ Բորելը։
«Մենք պետք է շարունակենք աջակցել Ուկրաինային, մենք ցանկանում ենք, որ պատերազմը հնարավորինս շուտ ավարտվի»,- ասել է նա։
Եվրոպական դիվանագիտության ղեկավարը հավելել է, որ ԵՄ-ն պատրաստ է «ավելի շատ զենք տալ» Ուկրաինային։
Մինչ այդ, Էստոնիան զենքի նոր խմբաքանակ է փոխանցել Ուկրաինային։ Ռազմական օգնության տրանշը ներառում է հակատանկային հրթիռներ, հաուբիցներ, հակատանկային թնդանոթեր, հրացաններ, զինամթերք, նռնականետեր և ձեռքի նռնակներ։
Լրատվամիջոցները նաև հայտնում են, որ Պենտագոնն Ուկրաինա կուղարկի Switchblade 600 նորագույն անօդաչու թռչող սարքեր, որոնք ի վիճակի են թռչել 39 կիլոմետր և գրոհից առաջ 40 րոպե մնալ օդում։
Տաթև Ֆռանգյան
