20.04.2026 | 20:13
Ապրիլից շտապբուժօգնության աշխատակիցների աշխատավարձը բարձրացել է, կտրամադրվի նաև 40 հազար դրամ պարգևավճար
ԱՄՆ-ը ևս 100 մլն դոլարի օգնություն է տրամադրում Ուկրաինային հակատանկային համակարգերի համար
Քաղաքականություն
06.04.2022 | 13:46
ԱՄՆ-ը լրացուցիչ 100 մլն դոլար է հատկացրել հակազրահային, հակատանկային համակարգերի համար։ Այս մասին նախօրեին հայտարարել է նախագահ Բայդենի վարչակազմը, գրում է CNN-ը։
Լրացուցիչ խմբաքանակ է տրամադրվելու՝ բավարարելու ուկրաինական Javelin հակատանկային հրթիռների հրատապ պահանջը։ Դա այն զենքերից է, որն ապացուցել է իր արդյունավետությունը ռուսական ուժերի դեմ:
Նախագահ Ջո Բայդենը թույլատրել է Javelin-ի դուրսբերումն ԱՄՆ-ի պահուստներից, ինչը նշանակում է, որ զենքերը դուրս կբերվեն պաշտպանության դեպարտամենտի պաշարներից և կարող են արագորեն առաքվել Ուկրաինա:
Այս վերջին օգնությունը հաշվի առնելով՝ ստացվում է, որ ԱՄՆ-ն ավելի քան 2,4 մլրդ դոլարի աջակցություն է ցուցաբերել Ուկրաինային։
«Աշխարհը ցնցված և ապշած է Բուչայում և Ուկրաինայի այլ վայրերում ռուսական զորքերի կողմից իրականացված վայրագություններից։ Ուկրաինայի ուժերը խիզախորեն շարունակում են պաշտպանել իրենց երկիրը և իրենց ազատությունը, իսկ Միացյալ Նահանգները, մեր դաշնակիցների և գործընկերների հետ միասին, անսասան են Ուկրաինայի ինքնիշխանության և տարածքային ամբողջականության աջակցության հարցում»,- ասվում է ԱՄՆ պետքարտուղար Էնթոնի Բլինքենի հայտարարության մեջ, որն էլ հայտնել է նոր օգնության մասին։
Էմմա Չոբանյան
