16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Ռուսաստանի բյուջեն 2022թ․ մարտին 302 միլիարդ ռուբլով պակաս եկամուտ է ստացել նավթի և գազի վաճառքից
Քաղաքականություն
05.04.2022 | 21:23
Ռուսաստանի բյուջեն 2022 թվականի մարտին 302 միլիարդ ռուբլով պակաս եկամուտ է ստացել նավթի և գազի վաճառքից։ Forbes-ի փոխանցմամբ՝ այս մասին ասվում է ՌԴ Ֆինանսների նախարարության հաղորդագրությունում։ Ըստ այդմ՝ սա նավթից և գազից փաստացի ստացված եկամուտների ընդհանուր շեղման գումարն է նավթագազային եկամուտների ամսական ակնկալվող ծավալից։
«Նման շեղումը պայմանավորված է գազի արտահանման կանխատեսված ծավալների շեղում, ինչպես նաև նավթային հումքի ակցիզի գնաճով, այդ թվում՝ հարկատուների առանձին տարրերի կառուցվածքի փոփոխության հետ կապված»,- նշել են գերատեսչությունից։
Միաժամանակ, ապրիլին Ֆինանսների նախարարությունն ակնկալում է ստանալ 798,4 մլրդ ռուբլի լրացուցիչ եկամուտներ նավթից ու գազից։ Գերատեսչությունն այս կանխատեսումը բացատրում է «բազային մակարդակից նավթի փաստացի գնի գերազանցմամբ»։
Նախարարությունը նաև նշել է, որ այդ միջոցների հաշվին արտարժույթի և ոսկու գնում չի իրականացվի 2022 թվականի համար «բյուջետային կանոնների որոշ դրույթների կասեցման պատճառով՝ կապված դաշնային բյուջեի նավթի և գազի լրացուցիչ եկամուտների օգտագործման հետ»:
Տաթև Ֆռանգյան
