20.08.2026 | 23:01
«Նոան» նոր գլխավոր մարզիչ ունի
ՄԱԿ-ի ԱԽ-ն ուկրաինական Բուչայում հանցագործությունների վերաբերյալ նիստ է անցկացնում
Քաղաքականություն
05.04.2022 | 18:53
Միացյալ Թագավորությունը, որը նախագահում է ՄԱԿ-ի Անվտանգության խորհուրդը, այսօր Խորհրդի նիստ է հրավիրել՝ քննարկելու Կիևի շրջանի Բուչա քաղաքում տեղի ունեցած իրադարձությունները։
ՄԱԿ-ի Անվտանգության խորհրդի նիստում քննարկվելու է ռազմական հանցագործությունների, այդ թվում՝ Բուչայից ապացույցների թվի ավելացումը։ Բրիտանիան խոստանում է օգտագործել Անվտանգության խորհրդում երկրի նախագահությունը՝ ապահովելու թափանցիկություն, հաշվետվողականություն և արդարություն։ Նիստին ելույթ է ունենում նաև Ուկրաինայի նախագահ Վլադիմիր Զելենսկին։
Հիշեցնենք, որ ուկրաինական Բուչայի փողոցներում տասնյակ քաղաքացիական անձանց դիերի լուսանկարներ և տեսանյութեր են հրապարակվել։ Ուկրաինական կողմը պնդում է, որ լուսանկարներում պատկերված մարդիկ սպանվել են ռուս զինվորականների կողմից, Զելենսկին Ռուսաստանին անգամ մեղադրում է «ցեղասպանություն» իրականացնելու մեջ։
Ռուսաստանը հերքում է այս մեղադրանքները։
