Քաղաքականություն
05.04.2022 | 22:41
Ռուսական բանակի հրետակոծությունը վերջնականորեն ոչնչացրել է Խարկովի մատույցներում գտնվող մասնավոր մեծ կենդանաբանական այգին։ Առյուծներն ու արջերն ապրելու տեղ չունեն, նրանց, հնարավոր է, էվթանազիայի կենթարկեն, հայտնում է BBC-ի ռուսական ծառայությունը։
«Երեկվա զանգվածային գնդակոծությունից հետո այգին հիմնովին ավերվել է։ Եվս մեկ գնդակոծություն, և առյուծները, վագրերը, արջերը կարող են ազատության մեջ հայտնել և գնալ դեպի Խարկով։ Մենք դա չենք կարող թույլ տալ»,- տեսաուղերձում ասել է Ալեքսանդր Ֆելդմանը, ում հովանավորությամբ պահպանվում էր նրա անունը կրող էկոպարկը։
Ֆելդմանը երկար ժամանակ է՝ փորձում է դուրս բերել կենդանիներին, բայց կարողանում են տեղավորել միայն փոքր կենդանիներին։ Մեծերը, հնարավոր է, էվթանազիայի ենթարկվեն, եթե «մինչև երեքշաբթի երեկոյան հրաշք տեղի չունենա»:
«Միգուցե մենք կարող ենք փրկել փոքրիկ յագուարներին և պանտերաներին: Բայց բոլոր չափահաս կենդանիները, ամենայն հավանականությամբ, կոչնչացվեն»,- ասել է նա:
Տաթև Ֆռանգյան
