19.05.2026 | 12:15
ՀՀ և Լիտվայի ԱԳ նախարարներ Արարատ Միրզոյանի և Կեստուտիս Բուդրիսի համատեղ ասուլիսը. ՈՒՂԻՂ
Արևմուտքը շուրջ 250 ռուս դիվանագետի է արտաքսել Ուկրաինայում պատերազմի մեկնարկից հետո
Քաղաքականություն
05.04.2022 | 17:43
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Ուկրաինայում Ռուսաստանի ռազմական գործողությունների մեկնարկից հետո շուրջ 250 ռուս դրվանագետ է արտաքսվել արևմտյան երկրների կողմից, գրում է ՌԻԱ Նովոստին։
Այսպես՝ ապրիլի 5-ին Իտալիան արտաքսում է 30, Դանիան՝ 15, Շվեդիան՝ 3 դիվանագետի։ Ապրիլի 4-ին Ֆրանսիան արտաքսել է շուրջ 30, իսկ Գերմանիան, լրատվամիջոցների տեղեկություններով, 40 ռուս դիվանագետի։ Լիտվան և Լատվիան նվազեցրել են ՌԴ-ի հետ դիվանագիտական հարաբերությունների մակարդակը՝ հետ կանչելով Մոսկվայից դիվանագետների, իսկ ռուս դեսպանները պետք է լքեն Ռիգան և Վիլնյուսը։
Մարտի 29-ին Նիդեռլանդներն արտաքսել է 17 դիվանագետի, Բելգիան՝ 21, Իռլանդիան՝ 4, Չեխիան՝ 1։ Մարտի 28-ին Հյուսիսային Մակեդոնիան արտաքսել է 5 ռուս դիվանագետի, մարտի 23-ին Լեհաստանը՝ 45 դիվանագետի։ Մարտի 18-ին էլ Բուլղարիան արտաքսել է 10 ռուս դիվանագետի, Լիտվան՝ 4, Էստոնիան՝ 3, Լատվիան՝ 3։
Մարտի 14-ին Սլովակիան արտաքսել է 3 դիվանագետի, մարտի 4-ին Չեռնոգորիան՝ 1 դիվանագետի, իսկ մարտի 2-ին Բուլղարիան երկրից արտաքսել է ևս 2 դիվանագետի։
Փետրվարի 28-ին ԱՄՆ-ն արտաքսել է ՄԱԿ-ում դիվանագիտական ներկայացուցչության 12 աշխատակցի, իսկ փետրվարի 24-ին՝ ռուս բանագնացի խորհրդականին՝ դեսպանից հետո երկրորդ կարևոր դիվանագետին։
Տաթև Ֆռանգյան
