10.10.2026 | 14:28
ԵՄ-ն շնորհավորել է Երևանի 2808-ամյակը
Բուչայի արբանյակային լուսանկարներն ապացուցում են, որ մարդկանց մարմինները շաբաթներ շարունակ ընկած են եղել փողոցներում՝ չնայած ՌԴ-ի պնդումներին․ NYT
Քաղաքականություն
05.04.2022 | 16:28
Ուկրաինայի Բուչայում բնակիչների դիերը փողոցներում են եղել, ենթադրաբար, դեռևս մարտի կեսերին, այսինքն՝ մինչ քաղաքից ռուսական զորքերի դուրսբերումը։ Նման եզրակացության են եկել ամերիկյան The New York Times պարբերականի լրագրողները՝ վերլուծելով այդ ժամանակահատվածում քաղաքի արբանյակային լուսանկարներն ու տեսանյութերը։
The New York Times-ի վերլուծած տեսանյութերից մեկը նկարահանվել է տեղական խորհրդի անդամի կողմից ապրիլի 2-ին։ Դրանում երևում են բազմաթիվ դիակներ, որոնք ընկած են Յաբլոնսկայա փողոցում։ Միևնույն ժամանակ, Maxar Technologies-ի կողմից NYT-ին տրամադրված արբանյակային լուսանկարները ցույց են տալիս, որ այդ մարմիններից առնվազն 11-ը փողոցում է մարտի 11-ից՝ այն օրվանից, երբ ռուսական կողմը, իր իսկ տվյալներով, գրավել է քաղաքը։
Դիակների փողոցում հայտնվելու ամսաթիվը պարզելու համար լրագրողները համեմատել են տարբեր օրերին փողոցների պատկերները։ Արդյունքում նրանք պարզել են, որ Յաբլոնսկայա փողոցում «մարդու մարմնի չափսերով մի շարք մուգ առարկաներ» հայտնվել են մարտի 9-ից 11-ն ընկած ժամանակահատվածում: Միաժամանակ, ապրիլի 2-ի նկարները հաստատում են, որ նրանք պառկած են եղել նույն դիրքով, որով հայտնաբերել է քաղաք մտած ուկրաինական բանակը, նշում է NYT-ն։
Breaking News: Satellite images refute Russia’s claim that the killing of civilians in Bucha, a suburb of Ukraine's capital, occurred after its soldiers had left town, a New York Times analysis found. https://t.co/2pDlly6EHs
— The New York Times (@nytimes) April 4, 2022
Վերլուծելով Յաբլոնսկայա փողոցի երեք դի պատկերող տեսանյութն ու արբանյակային կադրերը՝ լրագրողները եկել են եզրակացության, որ այդ դիերը փողոցում հայտնվել են մարտի 20-ին և 21-ին, այսինքն՝ այն ժամանակ, երբ դեռ քաղաքում գտնվում էին ռուս զինվորականները։
