29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Բողոքի ակցիա Մոսկվայում․ ակտիվիստը կապկպված ձեռքերով պառկել է ասֆալտին․ ԼՈՒՍԱՆԿԱՐՆԵՐ
Քաղաքականություն
05.04.2022 | 17:10
Ռուսաստանի մայրաքաղաք Մոսկվայում «Բուչա-Մոսկվա» բողոքի ակցիա է իրականացվել։ Միայնակ ակտիվիստը Մոսկվայի կենտրոնում մեջքի հետևում սպիտակ ժապավենով կապված ձեռքերով պառկել է ասֆալտի վրա Քրիստոս Փրկչի տաճարի մոտ, Ալեքսանդրովյան այգում, Հին Արբատում և Նիկոլսկայա փողոցում, գրում է RFI-ը։
Հենց նման դիրքում են ուկրաինացի զինվորականներն ու լրագրողները Կիևի արվարձանային Բուչայում հայտնաբերել սպանված խաղաղ բնակիչների դիերը։
Հիշեցնենք՝ թե՛ Ուկրաինան, թե՛ Ռուսաստանը պահանջել էին հրավիրել ՄԱԿ-ի Անվտանգության խորհրդի արտակարգ նիստ՝ քննարկելու Բուչայում տեղի ունեցած իրադարձությունները, որոնք երկու հակամարտող կողմերը հակառակ կերպ են նկարագրում։
Ուկրաինան ՌԴ-ին մեղադրում է խաղաղ բնակչության նկատմամբ ռազմական հանցագործություններ կատարելու մեջ։ Կրեմլն իր հերթին հերքում է մեղադրանքներն ու դրանք կեղծված անվանում։
