16.01.2025 | 11:47
Մենք անընդհատ սխալվելու ենք. Փաշինյանը` կտրուկ փոփոխություններով արդյունքի հասնելու մասին․ ՏԵՍԱՆՅՈՒԹ
ԵՄ-ն կհայտարարի ՌԴ-ի դեմ նոր պատժամիջոցների մասին․ The Wall Street Journal
Քաղաքականություն
05.04.2022 | 15:50
Այսօր Եվրահանձնաժողովը Ռուսաստանի դեմ նոր պատժամիջոցների առաջարկներ կներկայացնի՝ ներառյալ ռուսական ածխի ներմուծման արգելքը, ինչպես նաև ռուսական բեռնափոխադրողների համար ծովային և ցամաքային սահմանների փակումը։ Այս մասին հայտնում է The Wall Street Journal-ը՝ հղում անելով դիվանագետներին։
Պարբերականի տեղեկությունների համաձայն՝ Եվրահանձնաժողովը կառաջարկի նաև արգելել Ռուսաստան 10 միլիարդ եվրո արժողությամբ սարքավորումների, այդ թվում՝ էլեկտրական և տրանսպորտային սարքավորումների ներմուծումը։ Եվրամիությունը կառաջարկի նաև սահմանափակում մտցնել Ռուսաստանից կալիումի աղի ներկրման համար։
Բացի այդ, նոր պատժամիջոցներ կկիրառվեն ռուս ձեռնարկատերերի և նրանց ընտանիքների անդամների նկատմամբ։
Պարբերականը պարզաբանում է, որ առաջարկները պետք է հավանության արժանանան Եվրամիության 27 անդամների կողմից։
Տաթև Ֆռանգյան
