17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Եվրահանձնաժողովի նախագահ Ուրսուլա ֆոն դեր Լյայենը և ԵՄ դիվանագիտության ղեկավար Ժոզեպ Բորելն Ուկրաինա կայցելեն
Քաղաքականություն
05.04.2022 | 15:10
Ուկրաինա են մեկնում պատերազմից մեկնարկից ի վեր Եվրամիության ամենաբարձրաստիճան հյուրերը՝ Եվրահանձնաժողովի ղեկավար Ուրսուլա ֆոն դեր Լյայենը և ԵՄ դիվանագիտության ղեկավար Ժոզեպ Բորելը, գրում է BBC-ի ռուսական ծառայությունը։
Նրանք պատրաստվում են Կիևում լինել մինչև այս շաբաթվա վերջ, որպեսզի հնարավորություն ունենան շաբաթ օրը Վարշավայում մասնակցել միջոցառմանը, որով ավարտվելու է ի աջակցություն Ուկրաինայի #StandUpforUkraine մարաթոնը։
Աղբյուրի փոխանցմամբ՝ առայժմ հայտնի չէ, թե ԵՄ պաշտոնյաները Կիև են մեկնելու «դատարկ ձեռքով ու խոստումներո՞վ», թե՞ ՌԴ-ի դեմ արդեն իսկ ընդունված պատժամիջոցների 5-րդ փաթեթով։
ԵՄ-ն քննարկում էր նոր սահմանափակումների հարցը և գրեթե համաձայնեցրել էր, սակայն Բուչայում տեղի ունեցած իրադարձությւններից հետո եվրոպական առաջնորդներից շատերը հանդես են գալիս ավելի կոշտ պատժամիջոցների օգտին, այդ թվում՝ նավթի, գազի և ածխի էմբարգոյի, որի հարցում դեռևս համաձայնություն չկա։
Էմմա Չոբանյան
