18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
ԱՄՆ-ը գերձայնային հրթիռ է փորձարկել մարտի կեսերին․ CNN
Քաղաքականություն
05.04.2022 | 15:28
Մարտի կեսերին Միացյալ Նահանգները փորձարկել է գերձայնային հրթիռ, սակայն երկու շաբաթ գաղտնի է պահել այդ փաստը՝ Ռուսաստանի հետ լարվածության սրումից խուսափելու համար, քանի որ նախագահ Ջո Բայդենը պատրաստվում էր մեկնել Եվրոպա: Այս մասին հայտնում է CNN-ը՝ հղում անելով ԱՄՆ Պաշտպանության նախարարության ներկայացուցչին։
Այսպիսով, ըստ աղբյուրի, գերձայնային հրթիռը, որը մշակվում է Hypersonic Airborne Weapons Concept (HAWC) ծրագրի շրջանակում, արձակվել է B-52 ռմբակոծիչից։
Աղբյուրը նաև նշել է, որ հրթիռը թռել է ավելի քան 65,000 ոտնաչափ ու ավելի քան 300 մղոն հեռավորության վրա: Փորձարկումը հաջող է անցել։
Ըստ լրատվականի՝ փորձարկումն իրականացվել է այն բանից հետո, երբ ՌԴ-ն հայտարարել է Ուկրաինայում ռազմական գործողությունների ժամանակ սեփական գերձայնային հրթիռը կիրառելու մասին՝ պնդելով, որ դրանով խոցել է Ուկրաինայի արևմուտքում գտնվող սպառազինության պահեստը։
Տաթև Ֆռանգյան
