21.08.2026 | 09:36
ՀՀ տարածքում ավտոճանապարհներն անցանելի են
Թուրքիայում տարեկան գնաճը հասել է 20 տարվա առավելագույնին՝ կազմելով 61,14%
Քաղաքականություն
04.04.2022 | 23:30
Թուրքիայում տարեկան գնաճը մարտին հասել է 61,14 տոկոսի։ Այս մասին հայտնում են թուրքական լրատվամիջոցները՝ վկայակոչելով Թուրքիայի վիճակագրական իսնտիտուտը։
Նշվում է, որ սա երկու տասնամյակում գնաճի ամենաբարձր մակարդակն է, որը պայմանավորված է լիրայի արժեզրկմամբ և հումքային ապրանքների գների բարձրացմամբ:
Ամսական կտրվածքով սպառողական գներն աճել են 5,46%-ով, արտադրական գների ինդեքսն էլ մարտին ամսական կտրվածքով աճել է 9,19 տոկոսով՝ տարեկան աճը հասցնելով 114,97 տոկոսի։
Իսկ ահա ENAG Inflation Research Group-ի ոչ պաշտոնական տվյալների համաձայն՝ մարտին Թուրքիայում սպառողական գների տարեկան գնաճը կազմել է 142,63 տոկոս, ինչը շատ ավելին է, քան պաշտոնական պնդումները: ENAG-ը նաև նշում է, որ մարտին Թուրքիայում գներն աճել են ամսական 11,93 տոկոսով։
Սա, իհարկե, վատ նորություն է նախագահ Ռեջեփ Թայիփ Էրդողանի՝ հաջորդ տարի վերընտրվելու համար, քանի բնակիչների կենսական ծախսերի ավելացումը նվազեցնում է որոշակի աջակցության մակարդակը։
Էմմա Չոբանյան
