06.11.2024 | 22:35
Նիկոլ Փաշինյանն աշխատանքային այցով ժամանել է Հունգարիա
ԱՄՆ-ը կոչ է անում Ռուսաստանին հեռացնել ՄԱԿ-ի Մարդու իրավունքների խորհրդից
Քաղաքականություն
04.04.2022 | 20:23
ԱՄՆ-ը կխնդրի ՄԱԿ-ին՝ Ռուսաստանին հեռացնել Մարդու իրավունքների խորհրդից։ Այս մասին հայտարարել է ԱՄՆ դեսպան Լինդա Թոմաս-Գրինֆիլդը՝ նշելով, որ Մոսկվայի մասնակցությունը «ֆարս է», գրում է CNN-ը։
Նա թվիթերյան գրառմամբ նշել է, որ «Ուկրաինայի, եվրոպական երկրների և ՄԱԿ-ի այլ գործընկերների հետ սերտ համակարգելով՝ պատրաստվում են ձգտել հասնել Ռուսաստանիս հեռացմանը ՄԱԿ-ի Մարդու իրավունքների խորհրդից»։
«Ես վերադառնում եմ Նյու Յորք՝ երկու բան անելու համար։ Առաջինը՝ վաղն առավոտյան կդիմեմ Անվտանգության խորհրդին և ուղղակիորեն կանդրադառնամ Ռուսաստանի գործողություններին։ Ռուսաստանի մասնակցությունը Մարդու իրավունքների խորհրդին ֆարս է։ Դա վնասում է Խորհրդին և ՄԱԿ-ի վստահելիությանը: Եվ դա սխալ է, այդ իսկ պատճառով մենք կարծում ենք, որ ժամանակն է, որ ՄԱԿ-ի Գլխավոր վեհաժողովը քվեարկի՝ նրանց մասնակցությունը կասեցնելու համար»,- գրել է ԱՄՆ դեսպանը։
Էմմա Չոբանյան
