14.12.2024 | 15:11
Ավազակային հարձակում, սպանություն և սպանության փորձ կատարած ոստիկանության գնդապետը ցմահ ազատազրկվեց. Գլխավոր դատախազություն
ԵՄ-ն պատրաստ է քննիչների ուղարկել Ուկրաինա՝ Ռուսաստանի ռազմական հանցագործությունները փաստագրելու համար
Քաղաքականություն
04.04.2022 | 19:28
Եվրահանձնաժողովի նախագահ Ուրսուլա ֆոն դեր Լյայենը հայտարարել է, որ Եվրամիությունը պատրաստ է քննիչների ուղարկել Ուկրաինա՝ Ռուսաստանի զորքերի կողմից իրականացված ռազմական հանցագործությունները փաստագրելու համար։ Այս մասին ԵՄ նախագահը հայտնել է Twitter-ում գրառմամբ։
«Ես խոսել եմ Ուկրաինայի նախագահ Վլադիմիր Զելենսկիի հետ Բուչայում և Ուկրաինայի այլ վայրերում խաղաղ բնակիչների դաժան սպանությունների մասին: ԵՄ-ն պատրաստ է ուղարկել համատեղ քննչական խմբեր՝ ռազմական հանցագործությունների փաստագրման համար՝ համաձայնեցնելով Ուկրաինայի գլխավոր դատախազի հետ»,- ասել է ֆոն դեր Լյայենը:
Նշենք, որ նախօրեին թե՛ Ուկրաինան, թե՛ Ռուսաստանը պահանջել էին հրավիրել ՄԱԿ-ի Անվտանգության խորհրդի արտակարգ նիստ՝ քննարկելու Բուչայում տեղի ունեցած իրադարձությունները, որոնք երկու հակամարտող կողմերը հակառակ կերպ են նկարագրում։ Ուկրաինայի նախագահ Վլադիմիր Զելենսկին իր երեկոյան ելույթում հայտարարել էր, որ «ռուսական օկուպացիայի ժամանակ Բուչայում և այլ քաղաքներում ռազմական հանցագործությունները երեքշաբթի ՄԱԿ-ի Անվտանգության խորհրդում քննարկման առարկա կդառնան»։ Սակայն ավելի ուշ ՄԱԿ-ում Ռուսաստանի ներկայացուցչի տեղակալ Դմիտրի Պոլյանսկին Telegram-ում գրել է, որ Ռուսաստանը պահանջում է, որ այդ հանդիպումը անցկացվի մեկ օր շուտ՝ երկուշաբթի, սակայն Բրիտանիան մերժել է ՌԴ-ի պահանջը։
Տաթև Ֆռանգյան
