09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Կիևը ՌԴ-ին մեղադրել է ռազմագերիների հետ վարվելու Ժնևյան կոնվենցիան խախտելու մեջ
Քաղաքականություն
04.04.2022 | 18:36
Ռուսաստանը կոպտորեն խախտում է ռազմագերիների հետ վարվելու Ժնևյան կոնվենցիան, հայտարարել է Ուկրաինայի օմբուդսմեն Լյուդմիլա Դենիսովան, գրում է BBC-ն։
Նրա խոսքով՝ գերությունից ազատված ուկրաինացի զինծառայողները խոսել են վատ վերաբերմունքի մասին. նրանց պահել են դաշտերում, փոսերում, ավտոտնակներում։
«Պարբերաբար հերթով հանում էին, հրացանի կոթով ծեծում էին, ականջին կրակում, վախեցնում։ Զմեինի կղզու տղաներին, որոնց տարել են Սևաստոպոլ, տեղացի լրագրողներն օգտագործել են քարոզչության համար՝ պատմելով մարդասեր ռուսական իշխանությունների մասին, որոնք կազմակերպում են ռազմագերիների տուն վերադարձը։ Փոխարենը ռազմագերիներին տարել են անհայտ ուղղությամբ և -20 աստիճանի պայմաններում տեղավորել են վրանային ճամբարում, ինչի հետևանքով տղաներից շատերի վերջույթները ցրտահարվել են»,- պատմել է Դենիսովան։
Տաթև Ֆռանգյան
