17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ԱՄՆ պետքարտուղարի տեղակալ Վիկտորյա Նուլանդն այցելելու է Թուրքիա, Հունաստան և Կիպրոս
Քաղաքականություն
04.04.2022 | 16:26
ԱՄՆ պետքարտուղարի քաղաքական հարցերով տեղակալ Վիկտորյա Նուլանդն առաջիկա օրերին այցելելու է Թուրքիա, Հունաստան և Կիպրոս, գրում է ekathimerini-ին։
Պետքարտուղարության հաղորդագրության համաձայն՝ նա եվրոպական շրջագայությունը սկսել է Ֆրանսիայում, լինելու է նաև Գերմանիայում։
«Պետքարտուղարի քաղաքական հարցերով տեղակալ Վիկտորյա Նուլանդն ապրիլի 2-9-ը կմեկնի Ֆրանսիա, Թուրքիա, Հունաստան, Կիպրոս և Գերմանիա՝ ավելի ամրապնդելու երկկողմ հարաբերությունները, ընդգծելու մեր միասնական աջակցությունն Ուկրաինային և համակարգելու մեր պատասխանը Ռուսաստանի չհրահրված պատերազմին։ Վիկտորյա Նուլանդը հանդիպելու է իր ֆրանսիայի, գերմանացի ու բրիտանացի գործընկերների հետ, այնուհետև նա գլխավորելու է միջգերատեսչական պատվիրակությունը Թուրքիա, Հունաստան և Կիպրոս՝ պետական պաշտոնյաների և քաղաքացիական հասարակության հետ քննարկելու տարածաշրջանային անվտանգության, տնտեսական հարցերի և երկկողմ առաջնահերթությունների շուրջ հարցերը»,- ասվում է հաղորդագրության մեջ։
Նշվում է, որ միջգերատեսչական պատվիրակության մյուս անդամներն են պաշտպանության քարտուղարի միջազգային անվտանգության հարցերով օգնականի գլխավոր տեղակալ Իլան Գոլդենբերգը և պետքարտուղարի օգնականի տեղակալ Էրիկա Օլսոնը: Պատվիրակությանը Թուրքիայում ուղեկցելու են պետքարտուղարի տեղակալի օգնականներ Քարեն Սասահարան և Ջենիֆեր Գավիտոն։
Էմմա Չոբանյան
