29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Բուչայում զանգվածային սպանությունները կներառվեն Եվրոպայի վայրագությունների ցանկում. ԵՄ
Քաղաքականություն
04.04.2022 | 14:35
Եվրամիությունը հայտարարել է, որ «խստորեն դատապարտում է Ռուսաստանի զինված ուժերի կողմից ուկրաինական մի շարք քաղաքներում կատարված վայրագությունները»: Այս մասին ասվում է ԵՄ բարձրագույն քաղաքական մարմնի՝ Եվրոպական խորհրդի կայքում հրապարակված հայտարարության մեջ։
«Քաղաքացիական բնակչության շրջանում մեծ թվով զոհերի և վիրավորների, ինչպես նաև քաղաքացիական ենթակառուցվածքների ոչնչացման ապացույցները ցույց են տալիս դաժան պատերազմի իրական դեմքը, որը Ռուսաստանը վարում է Ուկրաինայի և նրա ժողովրդի դեմ։ Բուչայում և Ուկրաինայի այլ քաղաքներում տեղի ունեցած ջարդերը կներառվեն եվրոպական հողի վրա կատարված ոճրագործությունների ցանկում»,- ասված է հայտարարության մեջ։
ԵՄ Խորհուրդը կարծում է, որ Ռուսաստանի իշխանություններն են «պատասխանատու այն վայրագությունների համար, որոնք կատարվել են այն ժամանակ, երբ նրանք վերահսկում էին տարածքը»։ ԵՄ-ն հավելել է, որ ռազմական հանցագործությունների և այլ հանցագործությունների համար պատասխանատուները, ինչպես նաև պետական պաշտոնյաներն ու զինվորական ղեկավարները «պետք է ենթարկվեն պատասխանատվության»:
Հայտարարության հեղինակները նաև նշել են, որ աջակցում են ռազմական հանցագործությունների հետաքննությանը, որը վարում է Միջազգային քրեական դատարանի դատախազը։ ԵՄ-ն նաև աջակցում է Ուկրաինայի Գլխավոր դատախազությանը ռազմական հանցագործությունների վերաբերյալ ապացույցներ հավաքելու հարցում։
