10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Մակրոնը կոչ է արել ամբողջությամբ կասեցնել ռուսական ածխի և նավթի արտահանումը ԵՄ
Քաղաքականություն
04.04.2022 | 14:19
Ֆրանսիայի նախագահ Էմանուել Մակրոնը հայտարարել է, որ «ցանկանում է տեսնել այս շաբաթ ԵՄ ռուսական ածխի ու նավթի արտահանման ամբողջական արգելափակում՝ Ուկրաինայի Բուչա քաղաքում պատերազմական հանցագործությունների բացահայտումից հետո», գրում է CNN-ը։
Ֆրանսիական France Inter-ի եթերում Մակրոնն ասել է, որ կան «շատ հստակ նշաններ», որ ռազմական հանցագործություններ են կատարվել Բուչայում, և «միանգամայն հաստատված է, որ ռուսական բանակն է» պատասխանատու դրանց համար:
«Մենք չենք կարող թույլ տալ, որ դա հենց այնպես անցնի։ Մենք պետք է պատժամիջոցներ ունենանք այն ամենի համար, ինչ եղել է Բուչայում, Մարիուպոլում»,- ասել է նա։
Մակրոնը հավելել է, որ այս շաբաթ իր եվրոպացի գործընկերների հետ քննարկումներ կունենա հետագա պատժամիջոցների մասով։
«Նրանք, որոնք կանգնած են այդ հանցագործությունների հետևում, պետք է պատասխան տան։ Մենք պետք է շատ հստակ ազդանշան ուղարկենք, որ դա մեր հավաքական արժանապատվությունն է և մեր արժեքները, որոնք մենք պաշտպանում ենք։ Չկա խաղաղություն առանց արդարության»,- ասել է Մակրոնը։
Նա հավելել է, որ Ֆրանսիան կանգնած է Ուկրաինայի կողքին ՝օգնելու Բուչայի իրադարձությունների հետաքննության հարցում։
Էմմա Չոբանյան
