18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
ՌԴ-ում ցավագին են ընդունում Թուրքիայի կողմից Ուկրաինային «Բայրաքթարների» մատակարարումը
Քաղաքականություն
04.04.2022 | 12:09
Թուրքական «Բայրաքթար» մարտական անօդաչու թռչող սարքերի (ԱԹՍ) մատակարարումներն Ուկրաինային ցավալիորեն են ընկալվում ռուսական հասարակության մեջ։ Այս մասին երկուշաբթի օրը հայտարարել է Թուրքիայում Ռուսաստանի դեսպան Ալեքսեյ Երխովը՝ Aydinlik թերթին տված հարցազրույցում, գրում է ՏԱՍՍ-ը։
«Չեմ կարող չանդրադառնալ մի հարցի, որն ինձ այստեղ հաճախ են տալիս՝ ինչպե՞ս ենք վերաբերվում թուրքական «Բայրաքթարի» մատակարարումներին Ուկրաինա… Դե, ես լիովին անկեղծ կլինեմ. դուք չեք էլ պատկերացնի, թե որքան ցավալի են այդ մատակարարումներն ընկալվում ռուսական հասարակության մեջ։ Բացատրությունները, թե «բիզնեսը բիզնես է» չեն ընկալվում, քանի որ ձեր անօդաչուները սպանում են մեր զինվորներին, հենց դրա համար էլ դրանք գնվում են»,- հայտարարել է դիվանագետը։
Դեսպանն հայտարարել է, որ Ռուսաստանը զենք չի տալիս նրանց, ովքեր կռվում են թուրքական բանակի դեմ։
Տաթև Ֆռանգյան
