15.12.2024 | 14:24
Սոթքում 2022-ի ռազմական ագրեսիայից հետո բնակիչներին են հանձնվել նորակառույցների բանալիները. ՏԵՍԱՆՅՈՒԹ
Հակառակորդի կրակոցից վիրավորում ստացած 20-ամյա զինծառայողի վիճակը ծայրահեղ ծանր է
22.06.2017 | 16:28
ՊՆ կենտրոնական կլինիկական հոսպիտալում գտնվող վիրավոր երկու զինծառայողներից մեկի վիճակը շարունակում է ծանր մնալ։ Այս մասին Factor.am-ի հետ զրույցում ասաց հոսպիտալի տնօրենի ժամանակավոր պաշտոնակատար Արտաշես Խաչատրյանը։
Հունիսի 19-ին Ստեփանակերտից Երևան տեղափոխված ՊԲ զինծառայող Յուրի Զաքարյանի վիճակը ծայրահեղ ծանր է։ Վերջինս գլխի շրջանում հրազենային վիրավորում է ստացել, Ստեփանակերտի հոսպիտալում վիրահատվելուց հետո հունիսի 19-ին տեղափոխել են ՊՆ կենտրոնական հոսպիտալ, այժմ վերակենդանացման բաժանմունքում է՝ անգիտակից և միացված արհեստական շնչառության ապարատին։
Հիշեցնենք, որ հունիսի 17-ին ՊՆ կենտրոնական հոսպիտալ էր տեղափոխվել ևս մեկ վիրավոր զինծառայող՝ 20-ամյա Արմեն Վարդանյանը։ Վերջինիս առողջական վիճակում դրական տեղաշարժ կա․ նա այժմ գիտակցության է եկել, խոսում է, սակայն վիճակը դեռևս ծանր է։
Հունիսի 16-17-ին հակառակորդի կողմից հաստոցավոր հակատանկային նռնականետերից հրադադարի պահպանման ռեժիմի խախտման արդյունքում հայկական կողմն ունեցավ 4 զոհ և 3 վիրավոր։ Վիրավորներից երրորդը 33-ամյա մայոր Մյասնիկ Հովհաննիսյանն է, վերջինս գտնվում է Մալայանի անվան ակնաբուժական կենտրոնում։ Ականի պայթյունի հետևանքով երկու աչքի շրջանում էլ հրազենային վնասվածք ստացած Մյասնիկ Հովհաննիսյանը հունիսի 17-ին վիրահատվել է, վիճակը միջին ծանրության է։
Սեդա Ղուկասյան
