16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Լիտվան ԵՄ առաջին երկիրն է, որն ամբողջությամբ դադարեցրել է ռուսական գազի ներկրումը
Քաղաքականություն
02.04.2022 | 19:52
Լիտվան ապրիլի սկզբից ամբողջությամբ դադարեցրել է Ռուսաստանից գազի ներկրումը՝ դառնալով ԵՄ առաջին երկիրը, որը նման քայլի է գնացել։
«Европейская правда»-ի փոխանցմամբ՝ այդ մասին հայտարարել է Լիտվայի էներգետիկայի նախարարությունը:
Գերատեսչությունից հայտնել են, որ ապրիլի սկզբից լիտվական գազատրանսպորտային համակարգը գազ չի ներմուծել ՌԴ-ից: Amber Grid օպերատորի տվյալների համաձայն՝ ապրիլի 2-ի դրությամբ Բելառուսի հետ փոխկապակցման միջոցով ռուսական գազի ներմուծումը Լիտվա զրոյական է եղել։
Այժմ Լիտվայի գազի բոլոր կարիքները բավարարվում են Կլայպեդայի հեղուկացված բնական գազի տերմինալի միջոցով: Ըստ հաշվարկների՝ ապագայում սա պետք է բավարար լինի։
Անհրաժեշտության դեպքում գազը կարող են մղել նաև Լատվիայից, իսկ մայիսի 1-ից՝ Լեհաստանից։
Էներգետիկայի նախարար Դաինյուս Կրեյվիսը դա անվանել է Լիտվայի էներգետիկ անկախության շրջադարձային կետ:
«Մենք ԵՄ առաջին երկիրն ենք «Գազպրոմից» գազ ստացողների շարքում, որն անկախ է դարձել Ռուսաստանից գազի մատակարարումից»,- հայտարարել է նա:
