21.08.2026 | 12:03
46-ամյա Ռոնալդինյոն վերսկսում է կարիերան
ՌԴ զինված ուժերը գնդակոծում են Լուգանսկի շրջանի բոլոր բնակավայրերը և պատրաստվում են գրոհել երկու ուղղությամբ
Քաղաքականություն
01.04.2022 | 19:58
ՌԴ զինված ուժերը գնդակոծում են Լուգանսկի շրջանի բոլոր բնակավայրերը և պատրաստվում են գրոհել երկու ուղղությամբ։
Այս մասին ճեպազրույցի ժամանակ հայտարարել է Լուգանսկի շրջանային ռազմական վարչակազմի ղեկավար Սերգեյ Գայդայը, փոխանցում է UNIAN-ը։
«Լուգանսկի մարզում իրավիճակը կայուն ծանր է։ Բոլոր բնակավայրերը գնդակոծության տակ են։ Լիսիչանսկը, Սևերոդոնեցկը, Ռուբեժնոյեն, Պոպասնայան, Գորնոյեն ինքնաթիռներից, «Գրադից», «Սմերչից», «Ուրագանից» ամենօրյա կրակի տակ են։ Ամենաթեժ կետերը Ռուբեժնոյեն ու Պոպասնայան են, որտեղ մարտերն ընթանում են քաղաքի ներսում, սակայն չեն կարողանում ճնշել մեր պաշտպանությունը, առաջ չեն շարժվում»,- ասել է Գայդայը։
Նա հավելել է, որ գնդակոծությունների ինտենսիվությունն այնքան բարձր է, որ հնարավոր չէ անգամ զոհվածների դիերը փողոցից տեղափոխել ու մարդասիրական օգնություն հասցնել։
Տաթև Ֆռանգյան
