19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
ՌԴ-ի և Ուկրաինայի միջև բանակցությունները վերսկսվել են
Քաղաքականություն
01.04.2022 | 14:46
Ուկրաինական պատվիրակությունն առցանց բանակցությունների նոր փուլ է սկսել ռուսական կողմի հետ։ Այս մասին հայտնել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը, փոխանցում է Censor.NET-ը։
«Բանակցությունները շարունակվել են առցանց ձևաչափով՝ աշխատանքային ենթախմբերի ներգրավմամբ»,- նշել է նա։
Հիշեցնենք, որ մարտի 29-ին Ստամբուլում կայացել էր Ռուսաստանի և Ուկրաինայի միջև պատերազմի սկզբից ի վեր երկու երկրների պատվիրակությունների երրորդ դեմ առ դեմ հանդիպումը: Հանդիպումից հետո ուկրաինական կողմը հայտարարեց, որ ՌԴ-ին է փոխանցել իր գրավոր առաջարկությունները, ի պատասխան՝ ՌԴ-ն հայտարարեց Կիևի և Չեռնիգովի ուղղությամբ ռազմական գործողությունների ինտենսիվության կրճատման մասին։ Ուկրաինայի ԳՇ-ն հայտարարում է, որ ՌԴ-ն որոշ ուղղություններում հետ է քաշում իր զորքերը, սակայն դա ավելի շատ զորքերի վերաբաշխում է գնահատվում։ Այսօր էլ իր ուղերձում Ուկրաինայի նախագահ Վլադիմիր Զելենսկին զգուշացրել է, որ վերջին մի քանի օրվա ընթացքում Ռուսաստանի կողմից իր զորքերի դուրսբերումը երկրի հյուսիսից և կենտրոնից ընդամենը ռազմական մարտավարություն է՝ հարավ-արևելքում նոր հզոր հարձակումների համար ուժեր հավաքելու նպատակով։
Տաթև Ֆռանգյան
