21.08.2026 | 09:36
ՀՀ տարածքում ավտոճանապարհներն անցանելի են
Մեծ Բրիտանիան մտավախություն ունի, որ արևմտյան որոշ երկրներ Ուկրաինային կդրդեն զիջումների․ ԶԼՄ-ներ
Քաղաքականություն
01.04.2022 | 14:27
Մեծ Բրիտանիայի կառավարությունը մտավախություն ունի, որ Գերմանիան, Ֆրանսիան և ԱՄՆ-ն, ցանկանալով հնարավորինս շուտ դադարեցնել պատերազմը, կարող են Ուկրաինային մղել Ռուսաստանի նկատմամբ շտապ ու անհարկի զիջումների։ Այս մասին գրում է բրիտանական Times-ը։
«Մեր մի շարք դաշնակիցներ շատ են ցանկանում, որ Վլադիմիր Զելենսկին գնա կարգավորման։ Իսկ մենք գտնում ենք, որ մինչ այդպիսի բանակցություններ սկսելը պետք է Ուկրաինան հասնի սկզբնական դիրքերի»,- լրատվամիջոցին ասել է կառավարության բարձրաստիճան պաշտոնյան։
Ըստ աղբյուրի՝ վարչապետ Բորիս Ջոնսոնն անցյալ հանգստյան օրերին Վլադիմիր Զելենսկիի հետ հեռախոսազրույցում ասել է, որ «Պուտինը ստախոս է ու շանտաժիստ և կփորձի բանակցություններում ձգտել հյուծել ու ստիպել գնալ զիջումների»։
Լրատվամիջոցի փոխանցմամբ՝ այն, որ չեն հավատում ռուսներին ու տեսնում են, որ նրանք փորձում են օգտագործել բանակցությունները՝ ժամանակի ձգձգման և ուժերի վերախմբավորման համար, ասել են նաև ուկրաինական կառավարության անդամները, այդ թվում՝ նախագահ Զելենսկին։
Էմմա Չոբանյան
