10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Պակիստանը կոչ է արել չմոռանալ Աֆղանստանում հումանիտար իրավիճակի մասին
Քաղաքականություն
01.04.2022 | 20:13
Պակիստանի արտաքին գործերի նախարար Շահ Մահմուդ Քուրեշին տեսակապի միջոցով ելույթ է ունեցել Աֆղանստանում տիրող իրավիճակին նվիրված հանդիպմանը, հայտնում է EaDaily-ն:
Նա կոչ է արել միջազգային հանրությանը` աջակցել աֆղան ժողովրդին կայուն խաղաղության և զարգացման ճանապարհին: Քուրեշին ասել է, որ կարևոր է ապահովել, որ աֆղանցիներին հասանելի լինեն առաջին անհրաժեշտության ապրանքները, ինչպիսիք են սնունդը, առողջապահությունը և կրթությունը: Նա ասել է, որ նոր արտակարգ իրավիճակները, որոնք ի հայտ են գալիս աշխարհի այլ մասերում, չպետք է շեղեն ուշադրությունը միլիոնավոր աֆղանցիների ծանր կարիքներից և վերահաստատել է Պակիստանի պատրաստակամությունը՝ շարունակելու մարդասիրական օգնություն ցուցաբերել Աֆղանստանին:
Ավելի վաղ հաղորդվում էր, որ Աֆղանստանի հարևանները մտադիր են մարդասիրական օգնություն ցուցաբերել այդ երկրին։
Տաթև Ֆռանգյան
