13.01.2025 | 21:59
Հայաստանի մի շարք հասցեներում էլեկտրաէներգիայի անջատումներ կլինեն
Ի՞նչ կանի ՌԴ-ն, երբ Ադրբեջանը լայնածավալ հարձակում սկսի Արցախում․ Պուտինն ասելու է՝ մանդատ չունե՞նք․ Էդգար Վարդանյան. ՏԵՍԱՆՅՈՒԹ
Քաղաքականություն
31.03.2022 | 20:47
Factor TV-ի հարցազրույցը քաղաքագետ Էդգար Վարդանյանի հետ
-Պարո՛ն Վարդանյան, արդյո՞ք մոտ են Հայաստանը և Ադրբեջանը խաղաղության պայմանագիր կնքելուն։ Բրյուսելում ապրիլի 6-ին սպասվում է Նիկոլ Փաշինյանի և Իլհամ Ալիևի հանդիպումը Եվրոպական խորհրդի նախագահ Շառլ Միշելի միջնորդությամբ։ Ինչ կարծում՝ հնարավո՞ր է՝ ճեղքում գրանցվի այս բավականին բարդ և հազար ու մի կոնֆլիկտային երանգներ պարունակող հակամարտությանը վերջ տալու կամ գոնե բանակցություններ սկսելու հարցում։
-Շատ բարդ հարց է։ Իհարկե՝ վերջին իրադարձությունները խոսում են այն մասին, որ կա շատ լուրջ կոնֆլիկտ և լարում, նաև կողմերի դիրքորոշումները մի շարք հարցերում տրամագծորեն տարբեր են։ Այս պայմաններում շատ բարդ է լավատես լինել։ Բայց մյուս կողմից՝ մենք գիտենք, որ շատ տարբեր խնդիրների հետ կապված ժամանակ առ ժամանակ լինում են համաշխարհային պրակտիկայում արագ լուծումներ, որովհետև պարզվում է, որ շատ խնդիրներ ուղղակի, այսպես ասենք, ծագել են այն բանի պատճառով, որ կողմերից մեկը ցանկացել է առավելագույնը ստանալ, լարել է իրավիճակը և ուղղակի դրանով պատրաստվել է հետագա բանակցությունների։ Այսինքն՝ նա ի սկզբանե էլ հասկացել է, որ ինչ-որ պահից սկսած պետք է որոշակի զիջումների գնալ, բայց մինչ այդ հնարավորինս պետք է փորձել կորզել։ Մյուս կողմից էլ՝ դա հնարավոր է լինում, երբ լինում է շատ լուրջ միջազգային ճնշում, և երբ կողմերից մեկը կամ կողմերը հասկանում են, որ հնարավոր չէ այլևս դիմագրավել այդ ճնշումներին և ապակառուցողական դիրքորոշումը ի շահ այն իրականացնող կողմի չէ։
-Նիկոլ Փաշինյանն այսօր Կառավարության նիստում հայտարարեց, որ Հայաստանը պատրաստ է Ադրբեջանի հետ խաղաղության պայմանագրի շուրջ բանակցությունների, սա մի քանի անգամ լսել ենք։ Ի դեպ, ԱԽ քարտուղար Արմեն Գրիգորյանը Բրյուսելում արդեն իսկ հանդիպել է Ադրբեջանի նախագահի օգնական Հիքմեթ Հաջիևի հետ։ Կա՞ միջազգային ճնշում Ադրբեջանի կամ Հայաստանի վրա, որ գնացեք, բանակցեք, խաղաղության պայմանագիր կնքեք։
-Կարծում եմ՝ ճնշում կա Ադրբեջանի նկատմամբ, որովհետև Հայաստանի նկատմամբ ճնշում գործադրելու իմաստ չկա ուղղակի։ Իսկ որ Ադրբեջանի նկատմամբ կա ճնշում, մենք տեսնում ենք վերջին զարգացումների համատեքստում՝ շատ խիստ, շատ կոնկրետ, շատ հասցեական միջազգային խաղացողների կողմից արձագանքից։ Ըստ էության, նրանք շատ հստակ ասացին, որ դուք պայմանավորվածությունը խախտում եք, և որ Ադրբեջանը պետք է հետ քաշի իր զորքերը։
Հարցազրույցն ամբողջությամբ՝ տեսանյութում։
Ռոբերտ Անանյան
