18.05.2026 | 22:19
Վրաստանն ու Ադրբեջանը էներգետիկայի և տրանսպորտի ոլորտներում համաձայնագրեր են ստորագրել
ԱՄՆ-ն ընդլայնել է Ռուսաստանի դեմ պատժամիջոցները
Քաղաքականություն
31.03.2022 | 21:36
ԱՄՆ-ն ընդլայնել է Ռուսաստանի դեմ պատժամիջոցները, գրում է BBC-ի ռուսական ծառայությունը։ Պատժամիջոցների ցանկը ներառում է 13 ֆիզիկական անձի և 21 կազմակերպություն։
ԱՄՆ գանձապետարանի տվյալներով՝ սահմանափակումները մտցվել են կիբերտարածությունում Ռուսաստանի գործողությունների հետ կապված։ Գերատեսչության հաղորդագրության համաձայն՝ սահմանափակումները վերաբերում են, մասնավորապես, ռազմական ոլորտում կարևոր դերակատարում ունեցող տեխնոլոգիական ընկերություններին։
«Ռուսաստանը ոչ միայն շարունակում է ոտնահարել Ուկրաինայի ինքնիշխանությունը իր չհրահրված ագրեսիայով, այլ նաև ուժեղացրել է հարձակումները խաղաղ բնակչության և համայնքների վրա։ Մենք կշարունակենք բոլոր կողմերից խթանել Պուտինի ռազմական մեքենայի դեմ պատժամիջոցները, քանի դեռ այս անիմաստ պատերազմը չի ավարտվել»,- ասել է ԱՄՆ ֆինանսների նախարար Ջանեթ Յելենը։
Տաթև Ֆռանգյան
